BeNVINUTI – Bienvenue

Prisintazioni

Natu quì in u 1997 -accantu à u nosciu corsu Grandval, dighjà ! – aghju fattu a me scularità sana seguitendu u parcorsu lucali : Annexe, Culleghju è Liceu Fesch.

Dopu un Bac ES facciu i me studii in Corti. In i stessi tempi, pà pagà a vita studientina è avvicinà mi di l’insignamenti, socu accettatu AED in Corti.

Ind’è st’anni quì, allora ch’assicuraiu u sustegnu sculariu, hè cresciuta una riflessioni parsunali ch’ùn mi lasciarà più : accumpagnà a noscia ghjuventù da appruntrà l’avvena.

Socu statu trè anni sicritariu di merria in Zirubia. Solu à fà l’amministrativu di u paesi sanu, aghju capitu ch’idd’hè un capatoghju pà tutti, smaterializatu o micca !

Da quissu parcorsu, hè natu issu prughjettu.